Apel për qytetarët: Mos përdorni ujin e Liqenit të Badocit për pije

Autoritetet e Kompanisë Rajonale të Ujësjellësit “Prishtina” kanë bërë apel për qytetarët e rajonit të Prishtinës që furnizohen me ujë nga Liqeni akumulues i Badocit që të mos e përdorin ujin për pije deri në një njoftim të ri. Arsyetimi i këtij paralajmërimi është ngritja e vlerave të manganit në mostrat e ujit në këtë zonë.

Për të ndihmuar qytetarët të identifikojnë zonat e prekura, KRU Prishtina ka publikuar një hartë të detajuar. Në njoftim thuhet se qytetarët mund të gjejnë zonën e tyre duke u bazuar në emrat e rrugëve.

Në njoftimin e bërë publik, KRU Prishtina shkruan:

‘‘Të nderuar konsumatorë!
Kjo është harta e zgjeruar e zonës së prekur me mangan në liqenin e Badocit!
Në bazë të emrit të rrugëve gjeni zonën tuaj!
Ju faleminderit!’’

Qytetarët këshillohen të përdorin ujë të filtruar ose të blerë deri sa situata të normalizohet.